Rasman. Matchroom Teremoana bilan shartnoma imzoladi, u Murodjon Ahmadaliev bilan bir oqshomda jang qiladi

Sidneyda tug'ilgan 26 yoshli bokschi yangi tashkilot bilan hamkorlikdagi ilk jangini 14 dekabr kuni Monte-Karloda tashkil etiladigan boks oqshomi doirasida o'tkazadi. Unga kim raqiblik qilishi hozircha nomalum.

Malumot o'rnida, Junior 2020-2022 yillar davomida professional ringda to'rtta jang o'tkazib, barchasida g'alaba qozongan.

U havaskor boksdagi kichik faoliyati davomida o'zbekistonlik ikki karra Olimpiya o'yinlari chempioni Bahodir Jalolov bilan ikki bor to'qnash kelgan va har ikki jangda mag'lub bo'lgan.

Monte-Karloda o'tkaziladigan boks oqshomining ikkinchi asosiy jangida hamyurtimiz, Matchroom bilan hamkorlikdagi sobiq Jahon chempioni Murodjon Ahmadaliev ringga ko'tariladi.