Rasman! Olimjon Nazarovning raqibi va jang sanasi malum + POSTER

O'ta engil (50,8 kg) vaznda WBO Oriental kamari sohibi bo'lib turgan Nazarov (28-5) 28 yanvar kuni Seul shahrida (Janubiy Koreya) tashkil etiladigan prof boks oqshomida tailandlik 27 yoshli Jakravut Majungoenga qarshi ringga ko'tariladi. 

Jakravut tajribali bokschi bo'lib, faoliyati davomida 46 ta jang o'tkazgan. Hisobida 42 g'alaba, 2 durang va 2 mag'lubiyat bor. Ikkala mag'lubiyatida ham nokautga uchragan. O'zi esa 21 ta jangda raqiblarini muddatidan avval taslim etgan.

38 yoshli Nazarov esa 33 ta jang o'tkazgan. Hisobida 28 g'alaba (15 nokaut) va 5 ta mag'lubiyat bor. Aslida bu jang 2022 yilning 10 dekabr kuni Vetnamning Xoshimin shahrida o'tkazilishi lozim edi. Ammo keyinchalik tashkilotchilar jangni Koreyaga ko'chirishdi.

Malumot uchun, Olimjon Nazarov so'nggi bor o'tgan yilning 30 iyul kuni filippinlik Bienvenido Ligasni 114:113, 115:112, 115:112 hisobida mag'lub etib, o'ziga tegishli WBO Oriental kamarini muvaffaqiyatli himoya qilgandi.