Rasman: Toshkent para engil atletika bo'yicha JCH-2027`ga mezbonlik qiladi

Mazkur nufuzli musobaqa nafaqat O'zbekiston, balki Markaziy Osiyo hududida ilk bor o'tkaziladi.

Dunyo birinchiligi 2027 yilning iyun oyida poytaxtimizdagi "Olimpiya shaharchasi"da joylashgan "Olimpiya" stadionida bo'lib o'tadi.

Toshkent-2027 musobaqasi tartib bo'yicha XIII para engil atletika Jahon chempionati hisoblanadi. Ushbu musobaqa Osiyo qitasida beshinchi marotaba tashkil etiladi. Avvalgi mezbonlar qatorida Doxa (2015), Dubay (2019), Kobe (2024) hamda Nyu-Deli (2025) shaharlari bor.

Musobaqada 100 dan ortiq mamlakatdan taxminan 1 300 nafar sportchi ishtirok etishi kutilmoqda. Bu orqali ushbu Jahon chempionati Markaziy Osiyo mintaqasi tarixidagi eng yirik xalqaro para sport tadbiriga aylanadi. Musobaqa dasturi Paralimpiya o'yinlari dasturiga mos holda shakllantiriladi.