Rayan Garsiya mag'lubiyatiga izoh berdi

Nyu-Yorkdagi Fatal Fury turniri doirasida o'tkazilgan 12 raundlik bahsda Romero hakamlarning yakdil qarori bilan g'alaba qozondi.

"Nima bo'lmasin, barchasi uchun Yaratganga shukr. Bugun g'alaba qozona olmadim. Juda g'alati holatda turibman, chunki g'alaba uchun hamma narsani qilgandim. Bilasizlar, o'tgan yili hayotimda juda og'ir davr bo'lgandi. SHunday holatlardan so'ng jangga qaytish ko'pchilik uchun imkonsiz edi. SHu bois, buni o'zim uchun g'alaba deb hisoblayman. Rolli, tabriklayman! U katta yurakka ega va yaxshi inson. Unga eng yaxshi niyatlarimni tilayman", — deb yozdi Garsiya ijtimoiy tarmoqda.