19 dek 07:06
Yangiliklar

Sport kurashlari

Razambek Jamalov 2024 yilni dunyo reytingi etakchisi sifatida yakunlab, pul mukofotiga ega chiqdi

Erkin kurash bo'yicha O'zbekiston terma jamoasi azosi, 74 kg vaznda Parij-2024 XXXIII yozgi Olimpiya o'yinlari g'olibi Razambek Jamalov o'z vazn toifasining jahon reytingidagi peshqadamlikni saqlab qoldi.

26 yoshli sportchimiz Parij Olimpiadasi orqali jamg'arib olgan ochkolari evaziga dekabr oyi uchun yangilangan reytingda ham peshqadamlikni hech kimga bermadi. Uning hisobida 53 000 ochko bor. Ikkinchi o'rindagi amerikalik Kayl Deyk hisobida esa 41 ming ball bor ekan.

Etiborlisi, Jamalov yilni reyting peshqadami sifatida yakunlagani uchun Birlashgan kurash ittifoqi (UWW) tomonidan 5 000 AQSH dollari bilan mukofotlandi.

Razambek Jamalovdan tashqari, 57 kg vazn toifasida Parij-2024 Olimpiadasining bronza medalini qo'lga kiritgan o'zbekistonlik G'ulomjon Abdullaev o'z vazni reytingida to'rtinchi o'rinda qayd etildi.