Razambek Jamalov: "UFC'dan yaxshi taklif tushsa, o'ylab ko'rishim mumkin"

U dastlab Saudiya Arabistonining Ar-Riyod shahrida tashkil etilgan prof boks oqshomida ko'rinish berdi. Ayni damda esa UFC 308 turniri o'tkaziladigan Abu-Dabi shahrida bo'lib turibdi.

MOQ matbuot xizmati sportchi bilan qisqa suhbat tashkil etdi.

– Sizning so'nggi mashg'ulotlaringizni ko'rib, ko'pchilikda aralash jang turlariga o'tmoqdamikan degan fikr uyg'onmoqda. UFC yoki boshqa ligada jang qilish istagi bormi?

– "Bunday mashg'ulotlar men uchun zavqli. Agar UFC'dan yaxshi taklif tushsa, o'ylab ko'rishim mumkin".

– BAAda yana qancha vaqt bo'lasiz? Nega aynan aralash jang ustalari bilan shug'ullanmoqdasiz?

– Ular mening do'stlarim. Bu erda mashg'ulot o'tkazishdan tashqari yaxshi xordiq chiqaryapman. UFC bahslari yakunlangunicha Amirliklarda bo'laman.