Rio-2016. 4-kun. O'zbekiston sportchilarining bugungi ishtiroklari yakunlandi

20:43. SHu tariqa bugun o'zbek sportchilarining ishtiroklari yakunlandi.

20:34. Afsuski, SHahzodbek Sobirov amerikalik raqibiga imkoniyatni boy berib qo'ydi va Olimpiadadagi ishtirokini yakunladi...

20:26. Sobirov jangini boshlamoqda! Tomosha qilamiz!

20:20. Dzyudo. Birozdan so'ng SHahzod Sobirov ikkinchi jangini o'tkazadi.

19:55. Hurshid chorak finalda mezbon bokschi - Robson Kobsensauga qarshi jang qiladigan bo'ldi.

19:46. Hurshid Tojiboev ushbu jangda g'alaba qozondi! Ajoyib! U chorak final yo'llanmasini qo'lga kiritdi!

19:41. Tojiboev ikkinchi raundda ham g'alaba qozondi!

19:39. U birinchi raundni o'z foydasiga hal qildi! Ajoyib!

19:34. Bokschimiz Hurshid Tojiboev o'z chiqishini boshladi! Raqib britaniyalik bokschi. Olg'a, Hurshid!

19:32. Og'ir atletika. Doston Yoqubov o'z chiqishlarini 313 kg natija bilan yakunladi. Endi qolganlarning natijasini kutish lozim...

19:30. SHahzodbek keyingi bosqichda amerikalik Travins Stevensga qarshi tatamiga chiqdi!

19:26. Yaxshiii! Sportchimiz raqibini ippon bahosi bilan mag'lubiyatga uchratdi va keyingi bosqichga yo'llanma oldi!

19:23. Dzyudo. SHahzodbek Sobirov jangini boshladi!

19:15. Dostonbek Yoqubov siltab ko'tarishda ilk urinishda 172 kg toshni ko'tara oldi. Yaxshi!

19:04. Bu orada boks bo'yicha bahslar boshlandi. Birozdan so'ng Hurshid Tojiboev britaniyalik raqibiga qarshi jang qiladi.

18:55. Dzyudochimiz SHahzod Sobirovning chiqishiga taxminan 15-20 daqiqa vaqt bor.

18:53. Birozdan so'ng, toshni siltab ko'tarish bahslari boshlanadi. Bu erda vakilimiz raqiblaridan o'tib ketishi mumkin. Kutamiz!

18:45. Dast ko'tarish natijalariga ko'ra sportchimiz 9 nafar sportchi ichida 7-o'rinni egallab turibdi. Og'ir atletika qoidalariga ko'ra, uning vazni og'irroq bo'lgani uchun o'zi bilan bir xil natija qayd etgan sportchilardan pastda turibdi. U 5-o'rindagi sportchi bilan bir xil natija ko'rsatgan.

18:30. Sportchimiz 140 kg toshni ko'tara olmadi. Demak, dast ko'tarishda uning natijasi - 137 kg! Birozdan so'ng siltab ko'tarish bahslarida u o'z omadini sinab ko'radi. Qiyin bo'ladi...

18:26. Yoqubov ikkinchi urinishda 137 kg toshni o'ziga bo'ysundira oldi.

18:20. Takidlab o'tish lozimki, ushbu vazn toifasida rekord xitoylik Liao Xuiga tegishli. U 2014 yili bo'lib o'tgan JCHda 166 kg toshni ko'tarib jahon rekordini qayd etgan!

18:16. Doston Yoqubov ilk chiqishida 133 kg toshni xotirjam ko'tara oldi. Boshlanishi yaxshi!

18:05. Og'ir atletikachimiz Doston Yoqubov ishtirokini boshlamoqda! Unga omad tilab qolamiz! U -69 kg vazn toifasida tosh ko'taradi.

17:50. SHuningdek, Doston Yoqubov og'ir atletikachilarimizning chiqishlarini boshlab beradi.

17:45. Dzyudochimiz SHahzod Sobirovning ilk jangiga oz vaqt qolmoqda!

16:52. Endi birozdan so'ng dzyudochi va og'ir atletikachimizning ishtiroklari bizni kutib turibdi.

16:38. Afsuski sportchimiz so'nggi lahzalarda tezlikni pasaytirdi va finishga oxirgi bo'lib etib bordi... Endi u ertaga 13-24 o'rinlar uchun bo'ladigan bahsda kurash olib boradi.

16:33. 1000 metrdan so'ng beshinchi o'ringa tushib ketdi...

16:32. Sportchimiz 500 metrdan so'ng uchinchi bo'lib ketmoqda!

16:30. Boshlandi! Omad, SHahboz!

16:28. Bahs boshlanmoqda!

16:10. SHahboz Xolmurzaevning startga chiqishiga 20 daqiqa qoldi! U 2000 metrga akademik eshkak eshish bahslarida yarim final yo'llanmasi uchun kurashadi!

16:00. Biroz o'tib, taxminan 18:45 larda esa bizni medal olishga o'rgatib qo'ygan dzyudochilarimiz bahslarga kirishishadi. Bugun -81 kg vazn toifasida tatamiga chiqadigan SHahzodbek Sobirovdan ham umidimiz katta!

15:40. Toshkent vaqti bilan soat 16:30 da sportchimiz SHahboz Xolmurzaev akademik eshkak eshish bahslarining chorak final bosqichida startga chiqadi. Unga ushbu bosqichda Memo (Indoneziya), Nils Yakob (Norvegiya), Angel Rodriges (Kuba), Ris Grant (Avstraliya) va Dongyuung Kim (Janubiy Koreya) lar raqiblik qiladilar. Finishga etib kelgan dastlabki uch sportchi yarim finalga yo'llanmani qo'lga kiritadi.

15:30. Assalomu alaykum hurmatli o'zbek sportchilarining chiqishlarini kutib o'tirgan qadrdon muxlislar! Rio Olimpiadasining to'rtinchi kuni boshlanish arafasida. Sportchilarimizning musobaqalardagi ishtiroklarini biz bilan birga kuzatib boring!