Rio-2016. Ochilish va 1-tur o'yinlariga hakamlar tayinlandi

Unga ko'ra, ayollar o'rtasidagi turnirning ochilish o'yini – SHveciya - JAR uchrashuvini boshqarish ruminiyalik FIFA referisi Teodora Albonga ishonib topshirildi. Teodorga qanotlarda hamyurti Petruta Lugulesku hamda slovakiyalik Mariya Sukenikova yordam beradi. To'rtinchi hakam vazifasini urugvaylik Klaudiya Umpierrez honim bajaradi. Ushbu uchrashuv bugun Rio-de-Janeyrodagi “Olympic Stadium”da bo'lib o'tadi.

Erkaklar jamoalari o'rtasidagi futbol turnirining ochilish o'yini Iroq va Daniya terma jamoalari o'rtasida o'tkaziladi. Bu uchrashuvni meksikalik referi Sezar Ramos boshqaradi. Unga qanotlarda hamyurtlari Marvin Torrentera va Migel Ernandeslar ko'mak berishadi. Zaxiradagi to'rtinchi hakam sifatida misrlik Gid Grisha tayinlangan. Iroq - Daniya o'yini 4 avgust kuni bo'lib o'tadi.