Rossiya va qozog'istonlik taekvondochilar Toshkentda yig'in o'tkazishadi

Ushbu mamlakat sportchilari yurtimizda o'quv-mashg'ulot yig'inlarini o'tkazishadi. Bugun mehmon sportchilar yurtimizga etib kelishdi. Qayd etib o'tish lozimki, rossiyalik taekvondochilar safida Gran-Pri va Evropa chempionati sovrindorlari ham bor.

Sir emaski, taekvondochilarimiz yaqinlashib kelayotgan Osiyo o'yinlarida terma jamoamiz uchun muhim bo'lgan medallarni taqdim etishlari kutilmoqda. Buning uchun albatta yuqori saviyadagi o'quv-mashg'ulot yig'inlari, shart-sharoitlar va kuchli sparring raqiblar kerak bo'ladi. Rossiya va Qozog'iston terma jamoasi taekvondochilari bilan tashkil qilinadigan qo'shma yig'in esa bu borada muhim rol o'ynaydi.