Rustam To'laganov: "Nokaut reja qilmagandik"

Ushbu jangda To'laganovga kolumbiyalik Beibi Berrokal raqiblik qildi. 8 raundga mo'ljallangan jang to'liq davom etdi. Bahsning asosiy qismida hamyurtimiz ustunlik qildi. Yakunda hakamlar bir ovozdan Rustam To'laganovning g'alaba qozonganini qayd etishdi. www.olamsport.com sayti muhbiri jangdan keyingi fikrlarini bilish maqsadida, bokschimiz bilan bog'landi:

«To'g'ri, bir yillik tanaffusdan so'ng ringga qaytish biroz qiyin bo'ldi. Lekin murabbiylarimiz, jamoamiz bilan kelishganimizdek uddaladik. Nokaut reja qilmagandik, jangni to'liq o'tkazishni mo'ljallagan edik. Hamma narsa reja asosida kechdi. Raqibim anchayin tajribali bokschi. O'zingiz ham jangni ko'rdingiz: qancha zarba o'tkazib yuborishiga qaramay oyoqda turishga, 8 raundni yakunlashga harakat qildi. Biroq biz maqsadimizga erishdik. 

Mashg'ulotlarni bir muddat terma jamoa bilan ham olib bordim. Moskvada ham tayyorlandik. Ko'proq tezlik ustida ishlashga etibor berildi. Keyingi rejalarimiz kelayotgan jangga puxta tayyorgarlik ko'rish. Nasib qilsa mart oyida 5-jangim bo'ladi» - dedi To'laganov.

Sarvinoz Raxmonqulova suhbatlashdi