14 okt 08:25
Yangiliklar

Boks/MMA

Sabriel Matias - SHohjahon Ergashev chempionlik jangi uchun yangi sana malum qilindi + FOTO

Teglar : SHohjahon Ergashev Sabriel Matias

Xalqaro boks federaciyasi (IBF) buyrug'iga ko'ra puerto-rikolik Sabriel Matias o'z chempionlik kamarini hamyurtimiz SHohjahon Ergashevdan himoya qilishi kerak.

Avvalroq ushbu jangga egalik huquqini TGB Promotions kompaniyasi sotib olgani va to'qnashuv 4 noyabr kuni o'tkazilishi haqida xabar berilgan edi. Promoushen tomonlarga umumiy 510 ming AQSH dollari ajratgani, jang qanday natija bilan yakunlanishidan qatiy nazar, chempion Matias 357 000, Ergashev esa 153 000 AQSH dollari miqdoridagi gonorarga ega bo'lishi aytilgan edi.

ESPN kanalining taniqli jurnalisti Mayk Koppinjerning xabar berishicha, Sabriel Matias - SHohjahon Ergashev jangi 25 noyabr kuni AQSHning Nevada shtati Las-Vegas shahrida bo'lib o'tadi. Matias yarim o'rta vazn toifasida o'ziga tegishli IBF kamarini hamyurtimizdan himoya qiladi. Ushbu jang Devid Benavides - Demetrius Andrade jangining anderkardida o'tkaziladi.