14 mar 14:22
Yangiliklar

Boks/MMA

Sabriel Matiasning ikkinchi chempionlik himoya jangi tasdiqlandi

Teglar : SHohjahon Ergashev Sabriel Matias

Kuni kecha Eddi Xirnga tegishli Matchroom promouterlik kompaniyasi bilan 3 ta jangga mo'ljallangan shartnomaga imzo chekka Sabriel Matias navbatdagi chempionlik jangini o'tkazadi.

Birinchi yarim o'rta vazn toifasida IBF chempioni bo'lib turgan Matias 15 iyun kuni o'z vatani Puerto-Rikoda ringga ko'tariladi. Uning raqibi avstraliyalik davogar Liam Paro (24-0, 15 KO) bo'ladi. Mag'lubiyat va murosa nimaligini bilmay kelayotgan Paro reytingning 6-pog'onasidan joy olgan.

ESPN nashri tarqatgan xabarga ko'ra, tomonlar shu kunlarda rasman jang shartnomasiga imzo chekishadi. Sabrielning ikkinchi chempionlik himoya jangi DAZN striming servisi tomonidan translyaciya qilinadi.

Eslatib o'tamiz, 32 yoshli Matias o'tgan yilning noyabr oyida hamyurtimiz SHohjahon Ergashevni texnik nokautga uchratib, o'z kamarini ilk bor muvaffaqiyatli himoya qilgan edi.