Safina Sadullaeva Germaniyaga yo'l oldi

Mazkur musobaqa joriy yilning 29 yanvar kuni o'tkaziladi. Quvonarlisi, ushbu turnirning ayollar o'rtasidagi balandlikka sakrash bellashuvlarida hamyurtimiz Safina Sadullaeva ham ishtirok etadi.   

Nufuzli musobaqada Safinaga Iren SHou (Avstraliya), Liya Apostolovski (Sloveniya), Kristina Xonsel (Germaniya), Imke Onnen (Germaniya), Byanka Stixling (Germaniya), Xeta Tuuri (Finlyandiya) Kristina Ovchinnikova (Qozog'iston), Idea Peroni (Italiya), kabi mahoratli atletlar qarshilik ko'rsatadi.  

SHuni takidlab o'tishimiz lozimki, S.Sadullaevaning raqiblari orasida faoliyatidagi eng yaxshi shaxsiy ko'rsatkich  Kristina Xonselga tegishli bo'lib u 1,98 natija qayd etgan. Atletimizning eng baland sakragan natijasi 1,97 metr. Qolgan yuqorida nomi qayd etilgan sportchilarning natijalari ularnikidan biroz pastroq. Bu esa «International Jump Meeting Cottbus» turnirida Safina Sadullaeva medallar uchun kurashish imkoni bor deganidir.   

Malumot o'rnida: 2024 yil o'tgan «International Jump Meeting Cottbus» turnirida Safina Sadullaeva 1,86 natija bilan uchinchi o'rindan joy olgan edi.