Safina Sadullaeva Kotbusda shohsupaga ko'tarildi

Biz uchun ahamiyatlisi, musobaqaning balandlikka sakrash sektorida hamyurtimiz Safina Sadullaeva medallar uchun bahs olib bordi. Parij-2024 Olimpiadasi ishtirokchisi 1,88 metr natija bilan bronza medalini qo'lga kiritdi. 

Alamlisi, italiyalik Idea Peroni ham 1,88 metr balandlikni zabt etib kumush medalga sazovor bo'ldi. Faqat farqi Safina uchinchi, Idea esa birinchi urinishdayoq bu balandlikni o'ziga bo'ysundirgan. SHunga o'xshash holat Parij-2024 Oliimpiadasida ham sodir bo'lgandi. O'shanda Safina Olimpiya o'yinlari bronza medalini qo'lga kiritgan ukrainalik atlet bilan bir xil natija ko'rsatib, sovrindorlar safidan chetda qolib ketgandi.  

Kotbus turnirida chempionlik kutilganidek Kristina Xonselga nasib qildi. Germaniyalik sportchi 1,91 metr natija ko'rsatgan. O'tgan yili Sadullaeva "International Jump Meeting Cottbus" turnirida 1,86 metr ko'rsatkich bilan bronza medaliga ega chiqqan edi.