Saidyoqub Qahramonov: "2023 yil oxirigacha qaytaman, so'zlarimni eslab qoling"

Hamyurtimiz tarmoqdagi foydalanuvchining tvitiga javob yozar ekan joriy yil oxirigacha UFC'ga qaytishiga ishora qilgan:

"Vauv, Rossiyaning MatchTV kanali yozilayotgan tvitlarni namoyish etmas edi. Men 2023 yil oxirigacha qaytaman, so'zlarimni eslab qoling".

Avvalroq, Saidyoqub Qahramonov Instagram sahifasida 2024 yilda UFC promousheniga qaytishi haqida post joylagan edi.

Samarqandda tug'ilgan MMA ustasi UFC'dan ketganidan buyon bir marta jang o'tkazib, g'alaba qozondi. Unda O'zbekistonning MPL ligasi bilan ham jang bo'yicha kelishuv mavjud.

Eslatib o'tamiz, hozirda UFC'da O'zbekistonning ikki vakili - Mahmud Muradov hamda Nursulton Ro'ziboevlar jang qiladi.

Oh wow Russian Match tv don’t show tweets ???????? I’m coming back before 2023 ends mark my word. https://t.co/u7Lf6As7MJ

— Saidyokub Kakhramonov (@SaidYokubMMA) June 24, 2023