Saidyoqub Qahramonov MMAdagi faoliyatini yakunladimi?

"Atrofimda ozchilik qoldi, bu ham bo'lsa mening oilam. Faqatgina oilang sening ortingda turishini tushunishing kerak. Dadam menga 6 yoshimdan shunday deb aytar edi", - deya post joyladi Qahramonov.

Keyinchalik ijtimoiy tarmoq foydalanuvchilari Saidyoqubga "UFC'ga qaytishingni qachon ko'ramiz", - deya savol yo'lladi. Qahramonov esa bunga javoban: "Men bu ishdan ketdim, oilaviy hayotimni iziga tushirmoqchiman. MMAdagi faoliyatim davomida ko'p narsani o'tkazib yuboribman, endi men tadbirkorman", - deb yozgan.

Eslatib o'tamiz, Saidyoqub Qahramonov UFC'da uchta jang o'tkazib, ularning ikkitasida g'alaba qozongan va bitta jangda raqibiga imkoniyatni boy bergan. U hozirda AQSHning XMMA hamda O'zbekistonning MPL ligalari bilan kelishuvga ega.