Saidyoqub Qahramonov MPL'dagi debyuti qachon bo'lishini malum qildi

Eng engil vaznda o'zbekistonlik aralash yakkakurash ustasi, sobiq UFC jangchisi Saidyoqub Qahramonov (10-3) kecha O'zbekistonda faoliyat olib boruvchi Muradov Professional League bilan kelishuvga erishgani haqida xabar bergan edik.

Liga matbuot xizmati Saidyoqubning 2 yoki 3 ta jangdan so'ng yana UFC'ga qaytishiga umidvor ekanini bildirgan edi. Kecha Qahramonov Twitter sahifasida may oyida navbatdagi jangini o'tkazishiga ishora qildi:

"May oyida studiyaga qaytaman", - deb yozgan hamyurtimiz.

Muradov Professional ligasining so'nggi, ettinchi musobaqasi yanvar oyida bo'lib o'tgan edi. Liga prezidenti Jasur Alijonov keyingi musobaqa Ramazon oyi yakuniga etganidan so'ng o'tkazilishini aytib o'tgan edi.