Saidyoqub Qahramonov Nurmagomedovga: "Og'ayni, o'zingni men bilan jang qilish niyati yo'qdek ko'rsatyapsan"

UFC'ning mazkur yildagi so'nggi turnirida oktagonga chiqadigan hamyurtimiz Saidyoqub Qahramonov Rossiya nashrlaridan biriga intervyu berdi. Hamyurtimiz tabiiyki, bo'lakjak raqibi Said Nurmagomedov to'g'risida ham fikr bildirdi.

"Bu yigit sharpaga o'xshaydi, ijtimoiy tarmoqqa hech narsa joylashtirmaydi. SHu jihati bilan u meni jahlimni chiqardi, men uni urmoqchiman. Og'ayni, o'zingni men bilan jang qilish niyati yo'qdek ko'rsatyapsan. Bu qanday bemanilik, jangga qiziqish bildir. Qanday qilib UFC oktagoniga 7-8 marta ko'tarilib turib ham dastlabki kardda jang qilyapsan? 

Men asosiy kardda jang qilishni istayman, shuning uchun ham bu taklifni qabul qildim. Bu bahs haqida men ko'proq gapiryapman. Bu ahmoqlar hech narsa yozmaydi, sizlarga nima bo'lyapti? Aksincha, siz gonorarlardan shikoyat qilyapsiz. Albatta, ular sizga katta gonorar berishmaydi, chunki siz reklamaga yordam berish uchun hech narsa qilmayapsiz. Menga kelsak, men doim bu haqda o'ylayman, jang haqida nimadir yozaman", - dedi Qahramonov.