15 avg 12:47
Yangiliklar

Boks/MMA

Saidyoqub Qahramonov UFC'da jarohat olgan Kodi Garbrandtning o'rnini egallashga tayyorligini bildirdi, ammo...

20 avgust kuni AQSHning Boston shahrida UFC 292 turniri bo'lib o'tadi.

Mazkur musobaqa doirasida eng engil vaznda amerikalik Mario Bautista (12-2-0) hamyurti Kodi Garbrandtga qarshi oktagonga ko'tarilishi kerak edi, biroq Kodi jarohat sabab bu jangda ishtirok eta olmasligi malum bo'ldi.

Ayni paytda AQSHda bo'lib turgan o'zbekistonlik UFC sobiq jangchisi Saidyoqub Qahramonov esa bu vaziyatda Kodining o'rnini to'ldirishga tayyor ekanini bildiridib, UFC'ga bir necha bor murojaat qildi. Ammo Kodi Garbrandtning o'rnini amerikalik boshqa bir jangchi - Demon Blekshir (14-5-1) egalladi.

Qizig'i, Blekshir 12 avgust kuni UFC'da Jos Jonson bilan jang qilib, g'alaba qozongan edi.

Eslatib o'tamiz, Saidyoqub Qahramonov UFC'da 3 ta jang o'tkazib, 2 ta g'alaba va 1 ta mag'lubiyat qayd etgan.