Saken Bibosinov: "Vazifam - Hasanboyni o'z yurtidagi Jahon chempionatida mag'lub etish"

Qozog'istonlik bokschi Saken Bibosinov Bassport.kz saytiga bergan intervyusida Toshkentda bo'lib o'tadigan jahon chempionatida o'zbekistonlik Olimpiada chempioni Hasanboy Do'smatov bilan o'tishi kutilayotgan ehtimoliy jang haqida gapirdi.

"Jahon chempionatida Do'smatovni mag'lub etgandim. Osiyo chempionati finalida esa o'z xatoim sabab mag'lub bo'ldim. CHunki murabbiylar masofani saqlashimni aytib, qattiq ogohlantirishgan edi. Men masofani juda qisqartirdim va zarba o'tkazib yubordim. Hozircha hisob 1:1. U o'z intervyusida mendan revansh olish uchun kelganini aytdi. Mening endilikdagi vazifam — Hasanboyni o'z yurtidagi Jahon chempionatida mag'lub etish", - dedi Bibosinov.