17 sen 15:45
Yangiliklar

Eshkak eshish, Suv sporti turlari

Samarqand – Osiyo chempionati mezboni, ilk g'oliblar malum!

Samarqand eshkak eshish kanalida baydarka va kanoeda eshkak eshish bo'yicha Osiyo ochiq kubogi va parakanoe bo'yicha Osiyo chempionati musobaqalari bo'lib o'tmoqda.

Bellashuvlarning dastlabki kuni kattalar va yoshlar o'rtasidagi yakkalik va juftlik bahslari bo'lib o'tdi. Kattalar o'rtasidagi yakkalik bahslarda 200 metrga parakanoe bo'yicha A.Abdulhabibov (O'zbekiston), J.Taykenov (Qozog'iston), ayollar o'rtasida SH.Mirzaeva (O'zbekiston) g'oliblikni qo'lga kiritdi.

Kattalar o'rtasida 1000 metrga baydarkada A.Mochalov (O'zbekiston), kanoeda S.Tojiev (O'zbekiston), shu masofaga yoshlar o'rtasida baydarkada A.German (O'zbekiston), kanoeda S.Inog'omov (O'zbekiston) marraga birinchi bo'lib etib keldi.

Musobaqaning juftlik bahslarida kattalar o'rtasida baydarkada SH.Azamov va J.Nurmatov (O'zbekiston), kanoeda G.Kochnev va S.Mirbekov (O'zbekiston), shu masofaga yoshlar o'rtasida baydarkada D.Onufriev va M.Sudin (O'zbekiston), kanoeda S.Inog'omov va J.Ravshanov (O'zbekiston) juftliklari g'alaba qozondi.