Samarqandda triatlon bo'yicha "Challange Samarkand" xalqaro musobaqasi bo'lib o'tadi + FOTO

"Challange Samarkand" - bu "Challange Family" xalqaro brendi tarkibiga kirgan triatlon bo'yicha poyga. 

"Challange Family" - jahonning mashhur sport musobaqalaridan biri, ular butun dunyoning 30ta mamlakatida bo'lib o'tadi. Har yili "Challange Family"da 50 mingdan ziyod ishtirokchi qatnashadi. 

"Challange Samarkand"ning suzish bosqichi Respublika eshkak eshish kanalida bo'lib o'tadi. Velobosqich ikkita aylanadan iborat bo'ladi. U "Samarqand Ipak yo'li" turistik kompleksida boshlanadi va eski shahargacha davom etadi. Sportchilar Amir Temur haykali, Registon ansambli, Bibi Honim maqbarasi va tarixiy Afrosiyob bozorini kesib o'tishadi. 

Yugurish bosqichi esa zamonaviy Silk Road Samarkand turistik kompleksida bo'lib o'tadi. 

"Challange Samarkand"da istalgan inson ishtirok etishi mumkin: Professional triatletlar, havason triatletlar, ayollar, bolalar va tayyorgarlikka ega istalgan odam. 

Sprint (Triatlon sprint) - 750 m (suzish), velopoyga (20 km), yugurish (5 km) - 16 yoshdan kattalar uchun

Sprint Relay (Jamoaviy sprint) - 750 m (suzish), velopoyga (20 km), yugurish (5 km) - 16 yoshdan kattalar uchun

Middle distance (O'rta masofa) - 1.9 km (suzish), velopoyga (86 km), yugurish (21.5 km) - 18 yoshdan kattalar uchun

Middle distance Relay (Jamoaviy o'rta masofa) - 1.9 km (suzish), velopoyga (86 km), yugurish (21.5 km) - 18 yoshdan kattalar uchun

Women's run (Ayollar uchun) - yugurish (5 km) - 18 yoshdan kattalar uchun

Kids run (Bolalar uchun) - yugurish (200 m - 4-5 yosh), (400 m - 6-8 yosh), (600 m - 9-11 yosh)

Tadbirda 1700 atletlar qatnashishi kutilmoqda, uning kattagina qismi xorijdan keladi. Ro'yxatdan o'tish onlayn tarzda saytda amalga oshiriladi va 17 yanvardan 2023 yil avgust oyigacha davom etadi.