Sanjar Rahmonov navbatdagi jangini tajribali bokschiga qarshi o'tkazadi

Birinchi yarimo'rta vazn toifasida o'zbekistonlik professional bokschi Sanjar Rahmonov faoliyatidagi navbatdagi jangini o'tkazish arafasida.

Hamyurtimiz 7 may kuni Amerika Qo'shma SHtatlarining Texas shahrida ringga ko'tariladi. Frisco arenasi mezbonlik qiladigan boks oqshomining markaziy jangi aynan Sanjar Rahmonov ishtirokida o'tishi kutilmoqda. CHarm qo'lqop ustamizga o'sha kuni amerikalik kuchli va tajribali bokschi — Entoni Peterson raqibliq qiladi.

Rahmonov ikki yildan buyon janglarda ishtirok etmayotgandi. Ammo Sanjar bu yilni faol boshladi va mart-aprel oyining o'zida uchta jangda ishtirok etdi. Biroq bu janglarning professional rekordga kiritilmaganini takidlash lozim.

Sanjar shu kungacha prof boksda 17 ta jang o'tkazib, ularning 13 tasida g'alaba qozongan, uchta jangda mag'lub bo'lgan va yana birida durang qayd etilgan.

Entoni Peterson esa faoliyati davomida 41 ta jangda ishtirok etgan. Amerikalik bokschi bu janglarning 39 tasida g'alaba qozongan bo'lsa, bir marotaba mag'lub bo'lgan va bitta jangida durang qayd etilgan.