01 sen 09:22
Yangiliklar

Boks/MMA

Sanjar Zokirov ONE 168 turniridagi jangi qoldirilganini malum qildi

Avvalroq, o'zbekistonlik aralash yakkakurash ustasi Sanjar Zokirov 6 sentyabr kuni AQSHning Kolorado shtati, Denver shahrida tashkil etiladigan ONE 168 turnirida jang qilishi haqida xabar bergan edik.

O'sha kuni 21 yoshli hamyurtimizga yaponiyalik Xiroba Minoua raqiblik qilishi kerak edi. Ammo Zokirovning o'z Instagram sahifasi orqali malum qilishicha, jang qoldirilgan. Lekin nima sababdan qoldirilgani ochiqlanmagan.

"Jang qoldirildi. Tez orada elon qilamiz", deb yozgan Zokirov.

Malumot uchun, Sanjar Zokirov faoliyati davomida 10 ta jang o'tkazib, ularning barchasida raqiblaridan ustun kelgan. Yaponiyalik Minoua hisobida esa 14 g'alaba va 5 mag'lubiyat bor.

Takidlash joiz, ONE FC asosiy Ligasida hozirga qadar faqatgina bir nafar hamyurtimiz — Jasur Mirzamuhammedov jang qilib, 1 g'alaba va 1 mag'lubiyat qayd etgan edi.