Sanjar Zokirovning ONE Championship'dagi qoldirilgan jangi qachon o'tkazilishi malum

O'sha kuni 21 yoshli hamyurtimizga yaponiyalik Xiroba Minoua raqiblik qilishi kerak edi. Ammo jangga yaqin vaqt qolganida Zokirov o'zining Instagram sahifasi orqali bahs qoldirilganini malum qilgandi.

ONE Championship ligasining xabar berishicha, Sanjar Zokirovning Xiroba Minouaga qarshi jangi 4 oktyabr kuni Tailandning Bangkok shahrida tashkil etiladigan ONE Fight Night 25 turniri doirasida o'tkaziladi.

Malumot uchun, Sanjar Zokirov faoliyati davomida 10 ta jang o'tkazib, ularning barchasida raqiblaridan ustun kelgan. Yaponiyalik Minoua hisobida esa 14 g'alaba va 5 mag'lubiyat bor.

Takidlash joiz, ONE FC asosiy Ligasida hozirga qadar faqatgina bir nafar hamyurtimiz — Jasur Mirzamuhammedov jang qilib, 1 g'alaba va 1 mag'lubiyat qayd etgan edi.