Sarbon Ernazarov JCHga tayyorgarlik, etibor va asosiy raqiblari haqida gapirdi

O'zbekiston sambo associaciyasi matbuot xizmati ushbu JCH oldidan terma jamoamiz azolarining fikrlarini muxlislar etiboriga havola qilishda davom etadi. Bugun terma jamoamiz etakchisi Sarbon Ernazarov mehmonimiz bo'ladi. 

"Tayyorgarlik jarayoni alo darajada o'tmoqda. Terma jamoa azolarining sport formasi yaxshi. Muhit ham ajoyib. SHuni alohida aytishni istardimki, tayyorgarlik jarayonida sambo associaciyamiz, shuningdek MOQ va vazirlik tomonidan ham alohida etibor bo'lmoqda. To'g'risini aytsam, bunday etibor avval bo'lmagandi. Vitaminizaciya, massajchi va psixologlar biz bilan ishlashmoqda. Bu bizga har tomonlama ko'mak bo'lmoqda. Bizning JCHdagi muvaffaqiyatli ishtirokimizni barcha istamoqda. Buni his qilib turibmiz. 

Asosiy maqsadimiz albatta g'alaba qozonishdir. Har bir sportchi gilamga chiqqanda faqat g'alaba uchun kurashadi. O'z uyimizda yuzimizni yorug' qilib, vatanimiz bayrog'ini yuqori ko'tarmoqchimiz. Bizni butun O'zbekiston tomosha qiladi. Maqsadimiz faqat va faqat oltin medal qo'lga kiritishdir.  

Men musobaqada -71 kg vazn toifasida yurtimiz sharafini himoya qilaman. Bu o'rta vazn bo'lganligi uchun raqobat katta bo'ladi. Bu erda asosiy raqiblar bor. Biroq, har bir sportchi o'ziga xos "syurpriz" tayyorlashi mumkin. Ammo baribir asosiy raqiblar bor va ularga qarshi har tomonlama tayyorgarlik ko'rmoqdaman. Rossiya, Gruziya, Qozog'iston va Belarus, Franciya vakillari kuchli raqobat ko'rsatadi. SHuning uchun, bu vaznda kimnidir aniq chempion bo'lishini taxmin qilib bo'lmaydi. 

O'z yurtimda ilk marotaba musobaqada qatnashayotganim yo'q. Bungacha O'zbekistondagi turli nufuzli musobaqalar, Osiyo chempionatlarida qatnashganman. Lekin jahon chempionatida ilk marotaba qatnashyapman va buning bosimi albatta bor. JCHda bosim doimo bo'ladi. Umid qilamanki, o'z uyimizdagi devorlar, muxlislar bizga yordam berishadi", - dedi Sarbon Ernazarov.