11 jan 13:22
Yangiliklar

Dzyudo

Sardor Nurillaev Qatar "Masters"ni g'alaba bilan boshladi

Qatar poytaxti Doha shahrida dzyudo bo'yicha mavsumning ilk IJF musobaqasi birinchi kungi bellashuvlari davom etmoqda.

Hozirgina Qatar "Masters" turniridagi o'zbekistonlik dzyudochilarning ishtirokini Sardor Nurillaev boshlab berdi. -66 kg vazn toifasidagi yurtdoshimiz birinchi davra uchrashuvida braziliyalik Villian Limaga qarshi tatamiga chiqdi.

Asosiy vaqtda g'olib aniqlanmadi. Qo'shimcha bo'limda Nurillaev ippon bahosi evaziga raqibini mag'lubiyatga uchratib, keyingi bosqichga yo'l oldi. Endi Sardor ikkinchi davrada isroillik Barux SHmaylovga qarshi bahs olib boradi. SHmaylov o'z o'rnida ozarbayjonlik Orxan Safarovdan ustun keldi.