31 okt 08:04
Yangiliklar

Karate

Saymatov - jahon chempionati vice-chempioni!

Ispaniyaning Tenerife shahrida olimpiya oilasiga mansub karatening WKF yo'nalishi bo'yicha o'smirlar va yoshlar o'rtasidagi jahon chempionati bo'lib o'tdi.

14-15, 16-17 hamda 21 yoshgacha bo'lgan o'smir hamda yoshlar o'rtasida tashkil etilgan ushbu jahon chempionatida O'zbekiston terma jamoasi azolari ham munosib tarzda ishtirok etishdi.

Dunyo birinchiligida sayyoramizning 109 davlatidan istedodli karatechilar tatamiga chiqishdi. Ular orasida hamyurtimiz -60 kg vaznda Osiyo chempioni, dunyoning eng nufuzli musobaqasi g'olibi Sadriddin Saymatov finalgacha mag'lubiyatsiz etib borib, kumush medalni qo'lga kiritdi.

Malumot uchun, Saymatov jami 5 ta Premer-liga musobaqalarining 4 tasida g'alaba qozonib, oltin medalga sazovor bo'ldgandi. Aynan mana shu natijasi evaziga u haqli ravishda 2017 yilning eng yaxshi karatechisi deb topilgan.