Saymatov “Karate 1-Premier League” musobaqasi bronza medali sohibi

Mazkur nufuzli turnirda har bir vazn toifasida 64 nafar eng sara karatechilar ishtirok etishdi. Olimpiya o'yinlari uchun reyting ochkolarini taqdim etgan musobaqada Sadriddin Saymatov, Doston Otabolaev, Barno Mirzaeva va Bahriniso Boboevalar yurtimiz sharafini himoya qilishdi. 

Ulardan birgina terma jamoamizning birinchi raqamli sportchisi Sadriddin Saymatov -60 kg vazn toifasida bronza medalini qo'lga kiritdi. U musobaqaning bronza medali uchun kechgan bahsda makrokashlik sportchiga qarshi tatamiga chiqib, 4:3 hisobida zafar quchdi. 

Malumot uchun, Sadriddin Saymatov shu yilning yanvar oyida Parij shahrida o'tkazilgan “Karate 1-Premier League #1” turnirida ham bronza medali sohibiga aylangandi.