18 may 16:28
Yangiliklar

Boks/MMA

SHahram G'iyosov AQSHda jang o'tkazadi, u Firuza SHaripova bilan bir zalda mashg'ulot o'tkazdi + FOTO

Teglar : SHahram G'iyosov Firuza SHaripova

SHu kunlarda professional boksda murosa va mag'lubiyat nimaligini bilmay kelayotgan hamyurtimiz SHahram G'iyosov Rossiyaning Sankt-Peterburg shahrida mashg'ulotlarni o'tkazyapti.

CHarm qo'lqop ustamizning bizga xabar berishicha, uning navbatdagi jangi ham AQSHda bo'lib o'tadi.

"Jangimning AQSHda o'tkazilishi oydinlashdi. Tez orada jang sanasi va raqibim haqida rasmiy malumot beramiz", - dedi G'iyosov.

Bokschimiz Instagram sahifasiga joylagan suratda qozog'istonlik taniqli bokschi Firuza SHaripova ham aks etgan. Ular bitta zalda mashg'ulot o'tkazishyapti.

Malumot uchun, SHahram G'iyosov so'nggi jangini o'tgan yilning 8 may tongida AQSHning Las-Vegas shahrida meksikalik Kristian Gomesga qarshi o'tkazib, ochkolar hisobiga ko'ra g'alaba qozongan edi. Bu SHahram uchun professional faoliyatidagi 13-jangdagi 13-g'alabasi bo'lgandi. U o'tkazgan janglarining 9 tasida muddatidan oldin g'alaba qozongan.

G'iyosov aynan bir yil oldingi jangida yarim o'rta vazn (66,6 kg) toifasida IBF North American SHimoliy Amerika mintaqaviy chempionlik kamarini qo'lga kiritgandi. Ayni paytda u IBF reytingining 6-pog'onasini band etgan.