SHahram G'iyosovdan qochayotgan Romero turli bahonalarni ro'kach qilishda davom etmoqda

Rolando avvalroq charm qo'lqop ustamizni tanimasligini aytib, butun dunyoni ajablantirgan edi. U bu safar nima uchun o'z vaznida yangi WBO chempioni Devin Xeyni bilan birlashiruvchi chempionlik jangida ringga chiqishni istamayotganini tushuntirdi. 

O'tgan yilning may oyida Romero Rayan Garsiyani mag'lubiyatga uchratib, WBA chempionlik kamarini qo'lga kiritgandi. Xeyni noyabr oyida Saudiya Arabistonida o'tgan turnirda Brayan Normanni taslim etib, WBO chempioniga aylangan edi.

"Devin meni jangga chaqirmadi, - dedi Romero Fight Hub TV kanaliga bergan intervyusida. - Rayan bilan jangdan keyin nega meni jangga chaqirishmadi? Norman bilan jangdan keyin nega meni jangga chaqirishmadi? Nega ular Saudiya Arabistonidan ketgunlaricha bir necha kun kutishdi? Bilmadim, bularning bari menga g'alati tuyulyapti.

Xeyni o'tgan yili Garsiyaga yutqazgan, ammo keyinchalik Garsiyaning ijobiy testi tufayli jang natijasi bekor qilingan va Xeyni Garsiyaga qarshi fuqarolik davosini sudga bergan. Romero, Garsiya va Xeynining fikricha, ikkinchi jang masalasini yopish kerak.

"Bilasizmi, menimcha, Devin Rayan bilan ikkinchi jangni o'tkazishi kerak, chunki mendan revanshda yordam berishimni so'rashdi va men bu so'rovni bajardim, - deya qo'shimcha qildi Romero. - Rayan hammamizga yaxshilik qilishi va Devinga revansh berishi kerak, chunki men uni nokaut qilganimdan keyin ikki yil sudlashishni xohlamayman. Vaqtimni bekorga sarflab nima qilaman".

Eslatib o'tamiz, Romero chempionlik kamarining birinchi himoyasini afsonaviy Menni Pakyaoga qarshi o'tkazishni rejalashtirgan edi, ammo muzokaralar samarasiz yakunlandi. WBA tez orada Romerodan majburiy davogar SHahram G'iyosovga qarshi jang o'tkazishni talab qilishi mumkin.