25 fev 07:52
Yangiliklar
Boks/MMA
SHahram G'iyosovning meksikalik raqibga qarshi jangi muddatidan oldin yakunlandi
AQSHning Orlando shahrida Matchroom Boxing va DAZN hamkorligidagi katta professional boks oqshomi tashkil etildi.
Ushbu jang oqshomida yarim o'rta vazn toifasidagi hamyurtimiz SHahram G'iyosov meksikalik Pablo Sezar Kanoga qarshi ringga chiqdi.
Jangning 3-raundiga kelib SHahram chap qo'l zarbasi bilan raqibini nokadaun holatiga tushirib qo'ydi. SHundan so'ng jang davom ettirildi.
12 raundga mo'ljallangan jang 11-raunddan so'ng yakunlandi. 11-raund yakunida bo'lgan to'qnashuvdan so'ng raqib yiqilib tushdi va oyog'idan jarohat oldi. SHundan so'ng u jangni davom ettira olmasligini malum qildi.
Bu paytga kelib SHahram ringda ustunlikka ega bo'layotgandi va hamyurtimiz 109-99, 109-99, 109-99 hisoblarida jangda g'alaba qozondi.
Bu orqali SHahram WBA kamari uchun majburiy davogarga aylandi.
Havola :
Manba : olamsport.com
Fikrlar