SHahram G'iyosovning promouterlari chempionlik jangi uchun oxirigacha kurashadi

Eddi Xirn boshchiligidagi promouter va menejerlar kim oshdi savdosida qatnashishga to'g'ri kelsa ham, ushbu chempionlik jangini tashkil etishni oxiriga etkazishga tayyorlar.

Yaqinda WBA amerikalik Romeroga o'tgan yildan beri reytingda birinchi o'rinni egallab kelayotgan o'zbekistonlik 32 yoshli bokschiga qarshi chempionlik kamarini majburiy himoya qilishni buyurdi.

"Biz Romero bilan ishlaydigan kichik Luis DeKubaz bilan ish olib boryapmiz va bu jang kelasi yilning boshida bo'lib o'tishiga umid qilyapmiz", - dedi Matchroom direktori Frenk Smit Boxing News nashriga bergan intervyusida.

"O'ylashimcha, savdolar bo'lsa kerak, lekin keling, avval kelisha olamizmi yoki yo'q, shuni ko'raylik", - deya qo'shimcha qildi G'iyosovning promouteri. - SHahram o'z imkoniyatiga loyiq edi. U WBA yo'nalishi bo'yicha jahon chempioni unvoni uchun jangni qo'lga kiritish yo'lida qattiq mehnat qildi. Menimcha, u Romeroni engadi.

SHu yil boshida G'iyosov WBA chempionlik kamari sohibi Eymantas Stanionis 12 aprel kuni IBF chempioni Jeyron Ennisga qarshi birlashtiruvchi jang o'tkazishi uchun WBA chempionlik kamari jangini kechiktirishga rozi bo'lgan edi.

O'shanda Ennis unvonlarni birlashtirgan, G'iyosov ham AQSHdagi ushbu boks oqshomida ringga ko'tarilib, Franko Maksimiliano Okamponi mag'lub etgandi. Ushbu jangdan roppa-rosa bir oy oldin SHahram G'iyosovning ikki yoshli qizi vafot etgandi.

"Menga juda qiyin bo'ldi. Bu juda og'ir o'quv-mashg'ulot lageri edi, chunki men qizimdan ayrildim, - degandi G'iyosov o'shanda g'alabasidan keyingi intervyuda. - U meni ko'rib turibdi. Hozir u menga qarab turibdi, meni duo qilyapti. Men uni sevaman.

"Bu qizim uchun, - deya qo'shimcha qildi bokschi. - Men unga jahon chempioni bo'lishga vada berganman. U menga ishonadi. Men buni bilaman. Menga imkon bering".