SHahzod Jo'raqulov Bishkekdagi Octagon 40 musobaqasida oktagonga ko'tariladi

O'ta engil vaznda o'zbekistonlik aralash yakkakurash ustasi SHahzod Jo'raqulovning (6-5) navbatdagi jangi bo'yicha tafsilotlar malum bo'ldi.

Unga ko'ra, Jo'raqulov 5 fevral kuni Bishkek shahrida (Qirg'iziston) tashkil etilayotgan Octagon 40 musobaqasi doirasida mezbon yurt vakili Almanbet Abdyvasi uuluga (10-6) qarshi jang qiladi.

Jo'raqulov so'nggi bor 2022 yil 27 avgust kuni tashkil etilgan Octagon 34 musobaqasi doirasida qirg'izistonlik Mamarasul Abdurasul Uluuga (1-1) qarshi jang qilib, muddatidan avval g'olib bo'lgan edi.

Almanbet Abdivasi uulu esa ohirgi jangini 2022 yil 28 dekabrda qozog'istonlik Sanjar Adilovga (10-1-1) qarshi o'tkazib, mag'lub bo'lgan.