22 okt 21:41
Yangiliklar

Dzyudo

SHarofiddin Boltaboev bo'ydoqlik bilan xayrlashdi

O'zbekiston terma jamoasining yana bir dzyudochisi bo'ydoqlar safidan chiqdi.

Ayni shu lahzalarda -81 kg vazn toifasidagi dzyudochimiz, Tokio Olimpiadasi ishtirokchisi, qator xalqaro musobaqalar g'olib va sovrindori, qoraqalpoq o'g'loni SHarofiddin Boltaboevning nikoh to'yi bo'lib o'tmoqda. Qoraqalpog'iston Respublikasining Amudaryo tumani Mang'it shahrida o'tayotgan visol oqshomida terma jamoa bosh murabbiyi Ilias Iliadis boshchiligidagi dzyudochilarimiz ham jam bo'lishgan.

Fursatdan foydalanib, SHarofiddin Boltaboevga baxt tilaymiz. Kelin bilan baxtli hayot kechirib, shirindan-shakar, solih va soliha farzandlarning ota-onasi bo'lishsin.