SHarofiddin Boltaboev va Murodjon Yo'ldoshev g'alaba bilan boshlashdi

Ayni daqiqalarda musobaqaning ikkinchi kungi saralash bellashuvlari o'tkazilyapti. -73 kg vazn toifasidagi dzyudochimiz Murodjon Yo'ldoshev ikkinchi davrada qozog'istonlik Angsarbek Gaynullinni mag'lub etdi. -81 kg vazndagi birinchi raqamli vakilimiz SHarofiddin Boltaboev yana bir qozog'istonlik dzyudochi Barak Arkabayni qo'shimcha daqiqalarda chiroyli usul bilan taslim etdi. 

Afsuski,bu vazndagi ikkinchi dzyudochimiz, O'zbekiston chempionatining bronza medali sovrindori Ulug'bek O'roqov ilk bellashuvida ukrainalik Xevorg Manukyanga imkoniyatni boy berib, musobaqadagi ishtirokini yakunladi. Bu Ulug'bek uchun ilk "Katta Dubulg'a" turniri edi. 

Endi Yo'ldoshev uchinchi bosqichda italiyalik Luiji Sentrachchioga, Boltaboev esa gruziyalik Dimitri Gochilaidzega qarshi tatamiga chiqadi.