SHavkat Rahmonov jamoasida uning keyingi faoliyati bilan bog'liq vaziyatga oydinlik kiritildi

Rahmonov shu yil boshida tizzasida o'tkazilgan navbatdagi operaciyadan so'ng mashg'ulotlar jarayonini qayta boshlagan bo'lsa-da, "Nomad" muxlislari uning yaqin olti oy ichida oktagonga qaytishiga umid qilmasligi kerak.

Ayni paytdayarim o'rta vazn toifasi vakili reabilitaciya kursidan o'tmoqda va uning faoliyatini yakunlashi ehtimoli hali hamon saqlanib qolmoqda. Bu haqda uning menejeri Sayat Abdurahmonov "Match TV"ga bergan intervyusida malum qildi.

"Ayni paytda faoliyatni yakunlash muhokama qilinmayapti, ammo bunday xatar har doim bor. Bu o'ta jarohatli sport turi bo'lib, katta resurslarni talab qiladi. Hozir qaytishga shoshilishdan mano yo'q. Reabilitaciyadan to'g'ri o'tish, tiklanish kerak. Keyin rejalashtirish kerak. Hozircha uning bu yil yana chiqish qilishi uchun variantlarni ko'rmayapman. Kelgusi yil bu haqiqatga yaqinroq bo'ladi", - dedi Abdurahmonov.

31 yoshli SHavkat Rahmonov oxirgi marta oktagonga 2024 yil dekabr oyida chiqqan. O'shanda u davogarlik jangida Yen Machado Gerrini hakamlarning yakdil qarori bilan mag'lub etgandi. Ammo aynan irlandiyalik bilan to'qnashuvda tizzasidan olgan jarohati tufayli chempionlik imkoniyatidan foydalana olmagan edi.

Joriy yilning fevral oyida uzoq vaqt davomida faol bo'lmaganligi sababli, yarim o'rta vazn toifasida ikkinchi o'rinni egallab turgan SHavkat divizion reytingidan chiqarilgandi.