SHevchenko o'zi jang qilishni xohlaydigan raqiblari nomini aytdi

Ayollar o'rtasida o'ta engil vazn toifasi (-57 kg)da UFC chempioni, qirg'izistonlik Valentina SHevchenko (23-3) braziliyalik Amanda Nunes (22-5) hamda xitoylik Veyli Jang (23-3) bilan jang qilish istagida ekanini malum qildi.

"Tanaffusdan so'ng yana kamarimni himoya qilmoqchiman. Ha, men Amanda va Veyliga qarshi jang uchun tayyorman. Veyli oxirgi jangini juda yaxshi o'tkazdi. U ancha kuchaydi, uning janglarini tomosha qilish juda qiziq. SHubhasiz, men bu qizlarning har ikkisi bilan jang qilishga tayyorman", - dedi SHevchenko UFC bilan intervyusida.

Malumot uchun, braziliyalik Amanda Nunes ayni damda ayollar o'rtasida eng engil va yarim engil vazn toifalarida chempion, bundan tashqari P4P (vazn toifasidan qatiy nazar) reytingda peshqadam hisoblanadi. Veyli Jang esa ayollar o'rtasidagi minimal vazn chempioni bo'lib turibdi.