SHevchenko Xabibning MMAdagi ayollar borasida bildirgan etirozini javobsiz qoldirmadi

"Mendan so'rasangiz, bu sport turini ayollar uchun tavsiya qilmayman. Ayol kishining yuziga urish men uchun vahshiylik, ayniqsa, u ona bo'lsa. O'zim katta bo'lgan joyda bunaqasini ko'rmaganman. Alloh taolo ayolni zaif, erkakni esa kuchli qilib yaratgan. Odamlar bularning barchasini o'zgartirishni va aralashtirishni xohlashadi. Bilmadim, siz bunga qanday qaraysiz, lekin menga erkakning erkaklar ishi bilan, ayolning ayollar ishi bilan shug'ullanishi yoqadi", - degandi Xabib yaqinda bergan intervyusida.

SHevchenko ijtimoiy tarmoqdagi sahifasida "Burgut"ning so'zlariga izoh berdi.

"Ayollar zaifmi?! Buni samolyot kapitani bo'lgan singlimga ayt. Yoki "Tungi jodugarlar"ga - Ikkinchi jahon urushi davridagi to'liq ayollar bombardimonchi polkiga ayt, ular tunda o'chirilgan dvigatellar bilan bomba tashlab, so'ngra qo'nish chiroqlarisiz qop-qorong'i joyga samolyotni qo'ndirishgan. Buning uchun ular qo'lga tushmas va halokatli degan nomga sazovor bo'lishgan.

Qani, kim zo'rligini ayt-chi! Hammasi tarbiyaga bog'liq. Xuddi shuningdek, erkakni hech narsaga qodir bo'lmagan ojiz so'tak qilib tarbiyalash mumkin. Jang sanati - bu harbiy anana bo'lib, unda erkak va ayol o'rtasida farq yo'q. Faqat sanatning o'zi bor. Aynan shuning uchun odamlar mashq qilishadi - yanada latofatli, kuchli va dono bo'lish uchun, hech kim hech qachon ularning yuziga urish imkoniyatiga ega bo'lmasligi uchun", - deb yozdi SHevchenko.