SHinkiokushinkay karate bo'yicha xalqaro Amir Temur kubogi o'tkazildi + FOTOGALEREYA

Hasan Nazarov tashabbusi bilan NUR-HAS karate markazi tomonidan o'z tarixida to'rtinchi bor tashkil etilgan xalqaro turnirda mamlakatimizning barcha viloyatlari hamda qo'shni Qozog'iston va Tojikistondan kelgan 200 nafarga yaqin sportchilar g'oliblik yo'lida tatamiga chiqishdi. 

Qizg'in va murosasiz kechgan bellashuvlar yakunida bolalar, o'smirlar, kattalar o'rtasida bir nechta vazn hamda yosh toifalarida g'olib va sovrindorlar aniqlandi. 

Jumladan, Mutal Nazarov murabbiyligidagi Toshkent shahri Sergeli tumanining bir guruh yosh sportchilari shohsupaga ko'tarilish barobarida Osiyo chempionatiga ham yo'llanmani qo'lga kiritishdi.

O'z vazn toifalarida Xolboev Mirzohid, Xamraeva Ruxshona, Ulasheva Muslima oltin, Nazarov Muhammadali, Zoirjonov Humoyun, Yusupova Sabrina, Eshqobilova Mashhura kumush, Qurbonov Abdulloh bronza medaliga sazovor bo'ldi.