OZ

So’nggi yangiliklar

18:25Эртага спорт курашлари бўйича жаҳон чемпионати старт олади 0 18:01Испания Кубоги. "Реал" ва "Барселона"нинг дастлабки босқичдаги рақиблари маълум 0 17:32Дзюдочиларимиз Абу-Дабидаги "Катта Дубулға" турнирида иштирок этишади 0 17:08Спорт тренерлари Россия билан ҳамкорликда тайёрланади 0 16:39Мэйвезер: "Альваресга қарши жанг фаолиятимдаги энг осонларидан бири, Конор эса..." 0 16:15"Ювентус" "Барселона" ҳимоячисини текинга қўлга киритмоқчи 0 15:44Головкиннинг эҳтимолий рақиби маълум қилинди 0 15:19Буэнос-Айрес 2018. Янги рекордларга сабабчи бўлган мусобақа якунлари таҳлили 0 14:57Дель Потро Базелдаги мусобақада иштирок этмайдиган бўлди 0 14:33Лионель Месси болалар шифохонаси қурилишига пул ажратди 0 14:08"Хабиб Мэйвезерга қарши 12 раунд туриб бера олади" 0 13:30Мэйвезер 2019 йилда Хабиб ва Конор билан жанг қилмоқчи 0 12:52Япониялик теннисчи Майкл Жордан билан кинога боришга рози бўлди 0 12:30Хайр, Ковач! "Бавария" бугун янги мураббий номини эълон қилиши мумкин 0 12:09Шавкат Мирзиёев Жавоҳирни табриклади, унга уч хонали уй берилди 0

04 iyu 17:32
Yangiliklar

Boks/MMA

SHohjahon Ergashev: “Men hozir 17 emas, 24 yoshdaman”

Teglar :  BoksSHohjahonMoskva
Olimpiya yilida professonal bokschilarimizning g'alabalari ham salmoqli bo'lmoqda. Ular orasida, ayniqsa, xorijda faoliyat olib borayotgan charm qo'lqop ustalarimiz alohida ahamiyat kasb etayapti.

Ularning aksariyati havaskor boksda etiborli natijalarga ega bo'lib, niyatlari ham shunga monandir. Kezi kelganda takidlash kerak ular orasida SHohjahon Ergashev ham muxlislarni juda qiziqtirib qo'ydi. Boisi,  farg'onalik sportchimiz qisqa muddat ichida beshta jang o'tkazib, ularning barchasida muddatidan avval g'alabaga erishdi. Ustiga ustak, uning 17 yoshda deya xabarlar berilayotgani unga bo'lgan etiborning yanada ortishiga xizmat qilgan bo'lsa ne ajab. Hamyurtimiz so'nggi janggini 24 iyun kuni mezbonlardan biri Dmitriy Antipovga qarshi o'tkazib, birinchi raundning o'zida raqibini nokautga uchratdi. Ropqon boks maktabi tarbiyalanuvchisi shu kunlarda Moskva shahrida mashg'ulot olib borayotgan bo'lib, bizga, yani olamsport.com sayti uchun telefon orqali intervyu berdi.


- Hozirda Moskvadagi “Grand Plyus Boec” klubida navbatdagi jangimga tayyorlanyapman. Bo'lajak raqibim ham aniq bo'lgan. U shu paytga qadar 45 ta jang o'tkazgan latviyalik Ivans Leviskisdir. Yaqin kunlarda u bilan Finlandiyada 8 raundlik jang o'tkazaman.

- Nega juda ham qisqa muddatda yana ringga chiqyapsiz?

-Murabbiy va menejerlarim bilan kelishgan holda shunday to'xtamga keldik. CHunki, beshinchi jangimda ham birinchi raundning boshidayoq g'alabaga erishdim. Hozirda  yaxshi sport formasidaman.


-Mashg'ulotlarda nimalarga ko'proq etibor qaratayapsiz?

-Bo'lajak jang uchun hozirda bir necha rossiyalik bokschilar bilan birga sparring o'tkazyapman. Umuman olganda esa ko'proq jismoniy xolatga etibor qaratayapman. Bu professonal boks uchun juda ham muhim.



- Xabarlarga qaraganda yangi shartnoma tuzibsiz?

- Ochig'i, hozirga qadar biror bir promouterlik kompaniyasi bilan shartnoma imzolamagandim. Muvaffaqiyatli janglar orqali o'z o'rnimga ega bo'la boshlagach, Rossiya, AQSH, CHexiya kabi davlat promouterlik kompaniyalaridan takliflar tusha boshladi. Ularni menejerim Oleg Bogdanov bilan o'rganib chiqib, AQSHning “Salita Boxing Promoutions” kompaniyasi bilan 3 yilga mo'ljallangan shartnoma imzoladik.


- Demak, bundan buyon okean ortida faoliyatingizni davom ettirar ekansizda?

- Nasib qilsa, Finlandiyada ham zafar kuchib, Nyu-Yorkka boramiz. Bilasiz, Amerika hozirda professonal boksning “qozoni”. O'z kuchimni aynan katta qozonda sinab ko'rish istagim bor. Rejaga ko'ra u erda kuchliroq raqiblar bilan ikki-uchta sakkiz raundlik janglar o'tkazib, so'ng chempionlik unvoni uchun ringga chiqmoqchiman.


- SHohjahon, hozirga qadar barcha janglarda muddatidan avval g'alabaga erishdingiz. Bu bilan siz doim shunday bo'ladi, degan fikrga ega bo'lib qolmayapsizmi?

- Yo'q. Ustozim O'zbekistonda xizmat ko'rsatgan murabbiy Rustam Majidov doimo mashg'ulot va raqibga o'ta jiddiy munosabatda bo'lish kerakligini yoshligimdan o'rgatganlar. Bu g'alabalar ana shu fikr va tayyorgarliklar samarasi deb o'ylayman. Murabbiyim mehnatni jangdan avval qilib, ringga chiqqanda dam olishing kerak derdilar. SHu bois hozir ham sparring raqiblar bilan 16-18 raund ishlayman. Tayyorgarlikda kuchga alohida etibor qarataman. Qatiy reja asosida faoliyat olib boryapman.


- 17 yoshli yigit uchun bu og'ir emasmi?

- (Kulib) Juda ham kerakli savolni berdingiz. Fursatdan foydalanib, shunga aniqlik kiritib o'tishim kerak. Men haqimdagi 17 yoshli bokschi deya xato malumotlar berilyapti. Yo'q, men hozir 17 emas, 24 yoshdaman. 1992 yili Farg'ona viloyati Beshariq tumani Ropqon qishlog'ida tug'ilganman.

- Boks bilan necha yoshingizdan shug'ullanasiz?

- 14 yoshimdan. Dastlab futbolga borardim.U paytlar qishloqda yopiq zal yo'qligidan Rustam aka boks mashg'ulotlarini stadionda o'tkazardi. O'z-o'zidan ularni ko'rib yurib, boksga mehrim tushib qoldi. SHu erda bir narsani aytishim kerak, oilada uch qiz va bir o'g'il bo'lsakda, sho'xroq edim. Bu va albatta, dadamning menga yaratib bergan sharoitlari, etibori qo'l keldi. Har kuni ertalab 10-15 km yugurardim. Dadam esa velosipedda ortimdan yurardi.Qolaversa, bizning Ropqonda O'zbekistonning eng zo'r o'riklari etishtiriladi. Yoshlikdan o'rik eb, uning sharbatini ichib, katta bo'ldik. Bilasiz, o'rik yurakni baquvvat qiladi. Boksda esa dovyuraklik juda ham zarur. Keyinchalik qishlog'imizda ham Bolalar sportini rivojlantirish jamg'armasi tomonidan zamonaviy sport majmualari barpo etildi. Bu ham bizning o'zimizga bo'lgan ishonchni yanada orttirdi. Endilikda O'zbekiston bayrog'i ostida katta maqsadlar bilan intilyapmiz.

 


-SHohjahon, havaskor boksda qanday natijalarga erishgansiz?

- 2011 yili Jizzaxda o'tgan mamlakat chempionatida g'olib bo'lganman. Keyin terma jamoa tarkibida xalqaro musobaqa va yig'inlarda qatnashib yurdim. Mashg'ulotlarni Respublika olimpiya zaxiralari kolleji boks zalida kuchli mutaxassislardan biri Mansur aka Mahmudov rahbarligida ham davom ettirdim. Havaskor boks ko'proq sportchidan juda katta tezlikni talab qilgani bois mening uslubimga ungaunchalik to'g'ri kelmadi. SHu bois ustozim Rustam Majidovning maslahati bilan 2015 yildan professional boksga o'tdim. Maqsadim, professional boksda chempionlik unvonlariga ega bo'lish.

-Samimiy suhbatingiz uchun rahmat!

- Sizga ham tashakkur.


Ulug'bek Hakimjonov suhbatlashdi, o'z muxbirimiz

Reyting: +1   

O’xshash yangiliklar

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing