SHohjahon Ergashev navbatdagi jangi qachon va qay maqomda o'tishini aytdi (VIDEO)

Birinchi yarimo'rta vaznda o'zbekistonlik profesional boks ustasi SHohjahon Ergashev (23-0) Instagram tarmog'idagi rasmiy sahifasi orqali navbatdagi jangi bo'yicha tafsilotlarni malum qildi.

Ergashev muxlislarining "Kamarga jang qachon", - deya yo'llagan savoliga quyidagicha javob qaytardi:

"Xudo xohlasa, mana harakat qilyapmiz. Alloh nasib qilsa, fevralda jang o'tkazaman. Kamarga ham urishaman. Fevraldagi jang eliminator, yani davogarlar jangi bo'ladi. SHu jangda yutsam, keyin har qanday chempion bilan urishsa bo'ladi".

SHohjahon Ergashev so'nggi bor 10 avgust kuni Detroyt (AQSH)da tashkillashtirilgan boks oqshomi doirasida meksikalik Anxel Martines Ernandes (14-2-2)ga qarshi jang qilib, muddatidan avval g'alaba qozongan edi.