SHohjahon Ergashev: "SHahram bilan Eliminator`da jang qilishimiz mumkin edi"

Avvalroq, superengil vazn toifasida (63,5 kg) o'zbekistonlik professional bokschi SHohjahon Ergashev (23-0) amerikalik Jek Ketterolga (26-1) qarshi IBF Eliminator jangida ringga ko'tarilishi mumkinligi haqida xabar bergan edik.

Ergashev kecha Olamsport.com sayti muxbiri bilan suhbatda boshqa vaznga o'tgan yana bir hamyurtimiz — SHahram G'iyosov haqida gapirdi.

"SHahram ham bekor boshqa vaznga o'tdi. Hozir IBF reytingida kuchli o'ntalikda bo'lganida, u bilan Eliminator jangida urushishimiz mumkin edi. SHu bahonada SHahram bilan ko'pchilik kutayotgan jangimiz o'tkazilardi. Ko'ryapsiz, men va jamoam chempionlik jangi uchun harakat qilyapmiz. Lekin Top-10 reytingidan o'rin olgan bokschilar men bilan jang qilishni istamayapti", - dedi Ergashev.

Malumot uchun, SHohjahon Ergashev ayni paytda IBF reytingida to'rtinchi o'rinni egallab turibdi. IBF chempionlik kamari esa puerto-rikolik Sabriel Matiasga tegishli bo'lib turibdi.