25 dek 10:31
Yangiliklar

Boks/MMA

SHon O'Melli Islam Maxachevni ogohlantirdi

UFC chempioni SHon O'Melli vazn toifasidan qatiy nazar tashkilotning eng yaxshi jangchisi Islam Maxachevning mag'lubiyatini taxmin qildi.

SHonning fikricha, agar Maxachev yarimo'rta vaznda amaldagi UFC chempioni Leon Edvardsga qarshi jang o'tkazadigan bo'lsa, yakunda mag'lubiyatga uchraydi.

"Leon Islamni mag'lub etadi", - deya amerikalik chempion o'z ijtimoiy tarmoqdagi sahifasida xabar qoldirgan.

Eslatib o'tamiz, bir hafta avval Leon Edvards chempionlik kamarini ikkinchi bor muvaffaqiyatli himoya qilgan edi. U Las-Vegas shahrida o'tkazilgan UFC 296 turnirining asosiy jangida Kolbi Kovingtonni ochkolar hisobiga ko'ra taslim etgandi. O'sha jangdan so'ng Islam Maxachev yana bir bor britaniyalik Edvardsga qarshi oktagonga chiqish istagida ekanini aytgan edi.