SHon Striklend Adesanya bilan jang uchun shartlarini malum qildi

Oldinroq elkasidan jarohat olgan Drikus Dyu Plessi jangda qatnasha olmasligini malum qilganidan keyin Adesanya raqibsiz qolgandi.

"Muzokaralar olib boryapmiz. Yakunda barchasi menga qancha pul to'lanishiga borib taqaladi. Sizlarga bir savol berishimga ijozat bersangiz, biz rostdan ham Izzi va Drikusning jangi bo'lishini istayapmizmi? Albatta, yo'q. Bu jang bo'lmaydi. Sizlar mening qanday jang olib borishimni ko'rishni istaysizmi? G'alaba qozona olamanmi? Bilmadim, ammo bu xitoylikni bor kuchim bilan urishga harakat qilaman.

Drikusni zo'r jangchi deb o'ylamayman, Izzi uni mag'lub etadi, ammo men Drikusni tushunaman. Drikus, sengacha men ham jang olib borgandim, barchasini yaxshi tushunib turibman. Qachonki sen endigina jang qilgan bo'lsang-u, endi senga butun dunyoni uchib o'tib, etti haftalik chaqiruvni qabul qilishga kelganda yo'q deb javob berish tabiiy holat. 

"Balki, men buni istamayotgandirman" deyish ham mantiqan to'g'ridir. Ammo men erkakman, qo'rqoq emasman. Agarda to'lash niyatingiz bo'lsa, mening ham narxim bor. Pulingiz bo'lsa, tiking, hozir ham u bilan urushaveraman. Drikusdan farqli ravishda men u kabi aqlli emasman. Menda barchasi maksimal darajada oddiy - to'lang, men jang qilaman!", - dedi Striklend.

32 yoshli SHon so'nggi ikki jangida g'alaba qozondi: birinchisi Nassurdin Imavov, ikkinchisi Abusupyan Magomedov.