Sinner Parij "Masters" uchinchi davrasiga yo'l oldi

Dunyoning to'rtinchi raketkasi Yannik Sinner musobaqaning uchinchi davra ishtirokchisiga aylandi. Italiyalik tennischi ATP reytingida 42-pog'onadan joy olgan amerikalik Makkenzi Makdonald ustidan irodali g'alabaga erishdi - 6/7(6), 7/5, 6/1.

Italiyalik tennischi o'zaro uchrashuvlardagi hisobni yiriklashtirdi - 3:0. Ikki soatu 18 daqiqa davom etgan bahsda Sinner 4, Makdonald 8 ta eys zarbasini amalga oshirgan. Qo'shxatolar ikkala tennischida ham 2 tadan bo'ldi. Endi Yannik 1/8 finalda avstraliyalik Aleks De Minaurga qarshi kortga chiqadi.