Siril Gan Ngannudan uchralgan mag'lubiyatning asosiy sababini aytdi

SHuningdek Gan faoliyatidagi ilk mag'lubiyat uni yanada kuchli qilgani haqida gapirdi.

"Tajribam oshdi. Men ishtirok etgan har bir jangda g'alaba qozondim. Oson bo'lgani uchun emas, balki yaxshi jangchi bo'lganim uchun. Mag'lub bo'lgandan keyin sizda savollar tug'ila boshlaydi va siz unga javob topishingiz kerak. SHunday qilib, bu muvaffaqiyatsizlik meni yanada kuchliroq qildi" — dedi Gan.

Siril Ganning so'zlariga ko'ra, u Tay Tuyvasa Ngannuga qarshi kurashni o'rganib chiqqani va jang strategiyasini shu asosda qurishi mumkinligidan xavotirda emasligini aytdi.

"Ngannuga mag'lub bo'lganimdan so'ng boshqalar menga jang rejasini ishlab chiqishi mumkin. Ammo, jangni ko'rib chiqib, qanday xatolarga yo'l qo'yganimni so'rasangiz, odatdagidek oyoq harakatidan foydalanmaganimni aytaman. Ngannu jang davomida meni ikki-uch marta hayratda qoldirdi. SHunday ekan, Frensis meni mag'lub qilish yo'lini ko'rsatganidan xavotirda emasman. CHunki mening oyoq zarbalarim har doimgidan ham yaxshi bo'ladi" — dedi Siril Gan.

Eslatib o'tamiz, Siril Gan yaqindagina Derrik Lyuisni mag'lub qilib, vaqinchalik chempionga aylangandi. Fransis Ngannu esa ushbu vaznda to'laqonli chempion hisoblanadi.