Sirojiddin Hasanovni tabriklaymiz!

Buxoro shahrida tavallud topgan Sirojiddin kichik yoshligidan erkin kurashga mehr qo'ydi. Bu qiziqish uni poytaxt sari etaklab keldi. Hasanov Respublika olimpiya zaxiralari kolleji, keyin O'zbekiston Jismoniy tarbiya va sport universitetida tahsil oldi. O'zbekiston Respublikasida xizmat ko'rsatgan sport ustozi Latif Xalimov qo'l ostida erkin kurash sir-arorlarini o'rgandi. 

Sirojiddin Hasanov -65 kg (olimpiada vazni) vazn toifasida ko'p karra O'zbekiston chempioni, Osiyo o'yinlari hamda Osiyo chempionati sovrindori, ko'plab xalqaro musobaqalar g'olibi, jahon chempionatlari ishtirokchisi hisoblanadi. Kelasi hafta u bo'ydoqlik bilan ham xayrlashadi. 

Fursatdan foydalanib, Sirojiddin Hasanovga kelgusi musobaqalarda g'alabalar hamrohi bo'lishini tilaymiz. Katta hayot ostonasida turgan bugungi qahramonimiz baxtli hayot kechirsin. Sport va hayotdagi yo'li hamisha nurafshon bo'lsin!