23 fev 08:28
Yangiliklar
Boks/MMA
Sobiq UFC jangchisi Toshkentga kelishi mumkin
Yarim og'ir va og'ir vazn toifasi jangchisi Jailton Almeyda ACA Ligasi bilan shartnoma imzoladi.
Bu haqda Liga prezidenti Magomed Bibulatov ijtimoiy tarmoqlardagi sahifasida xabar berdi. Braziliyalik 34 yoshli aralash yakkakurash ustasi o'tgan hafta UFC rosteridan chiqarilgan edi.
Qizig'i shundaki, Almeydaga so'nggi ikki mag'lubiyatni taqdim etgan aynan rossiyalik jangchilar bo'ladi. 2025 yil oktyabr oyida u hakamlarning alohida qarori bilan Aleksandr Volkovga yutqazdi, 7 fevral kuni esa Rizvan Kunievga imkoniyatni boy berib qo'ydi.
ASA Ligasi 8 may kuni Toshkentda turnir tashkil qilishini inobatga olsak, Jailton Almeyda ham O'zbekistonga kelishi mumkin.

Havola :
Manba : championat.com
Fikrlar