Sport fidoiysi SHerzod Toshmatovni tabriklaymiz!

SHerzod Rixsiboevich haqida uni taniganlar faqat iliq fikr bildirishadi. U faoliyatining ilk davrida O'zbekiston muaytayini dunyoda birinchi o'ringa olib chiqa oldi. Hatto muaytay vatani hisoblangan tailandlik yakkakurash ustalari ham bu haqiqatni tan olishgandi. Uning tashabbusi bilan ilk bor yurtimizda muaytay bo'yicha Osiyo va jahon chempionati muvaffaqiyatli tarzda o'tkazildi.

2014 yilda SHerzod Toshmatov O'zbekiston boks federaciyasida vice-prezident lavozimida ish boshladi. Muaytay va boks bir-biridan keskin farq qiladigan sport turlari edi. Boksning ommaviyligi va eng muhimi olimpiya oilasiga mansub sport turi ekanligi SHerzod Rixsiboevich zimmasiga yuklatilgan vazifa qanchalik mashaqqatli hamda masuliyatli ekanini anglatardi.

Yangi rahbar tez orada qatiyatliligi, talabchanligi, muammolar qarshisida dovdirab qolmasligi, sport menejeriga xos noyob fazilati bilan O'zbekistonga boks kayfiyatini qaytara oldi. Jamoa bilan tez til topishdi. Bularning bari Olimpiadagacha amalga oshirildi. Bu say-harakatlar esa o'z mevasini bermay qolmadi.  

To'rt yillikning eng nufuzli musobaqasida charm qo'lqop ustalarimiz chin manoda qahramonlik ko'rsatishdi. Rio-2016 Olimpiadasida bokschilarimiz 3 ta oltin, 2 ta kumush va 2 ta bronza medali bilan umumjamoa hisobida birinchi o'rinni egallashdi. Tarixda hali bunday o'sish kuzatilmagan edi. 2016 yilning dekabrida SHerzod Toshmatov Osiyo boks federaciyasi vice-prezidenti etib tayinlandi hamda Ijroiya qo'mitasiga azo bo'ldi. 2017 yilning 30 aprel - 7 may kunlari Toshkent shahrida o'tgan Osiyo chempionati O'zbekiston boks terma jamoasining mutlaq g'olibligi bilan yakunlandi. O'nta vazn toifasida o'tgan chempionatning 9 vaznida oltin medal sohibi bo'lgan yigitlarimiz Osiyoda yangi rekord qayd etdilar.

12-22 may kunlari Ozarbayjon poytaxti Bokuda o'tgan IV Islom birdamlik o'yinlaridagi charm qo'lqop ustalarimizning ishtiroki o'zbek boksi saviyasini yana bir bor namoyish etdi. Indoneziyada o'tgan Osiyo o'yinlarida 7 ta medalni qo'lga kiritgan holda vakillarimiz qitada ham birinchi bo'lishdi.

Qariyb bir yildirki, etakchi sport menejeri sifatida shakllangan SHerzod Toshmatov faoliyatidagi uchinchi sport tashkilotiga rahbarlik qilmoqda. U O'zbekiston taekvondo WT associaciyasi raisi lavozimida ishlayapti. Toshmatov bu erda ham yaxshi jamoa shakllantira oldi. Maqsadi - o'zbek taekvondosi yutuqlarini Olimpiadada namoyish etish.

Fursatdan foydalanib, SHerzod Rixsiboevich Toshmatovni bugungi tavallud kuni bilan tabriklaymiz. Unga uzoq umr, tan-sihatlik, mamlakat sporti ravnaqi yo'lidagi xayrli ishlari bardavom bo'lishini tilaymiz.